अँध्यारोमा बानी बस्यो, रात प्यारो लाग्छ

अँध्यारोमा बानी बस्यो, रात प्यारो लाग्छ
दु:खपीडा समस्याका, खात प्यारो लाग्छ

दया, माया, ममताका, कुरा नउठाऊ
अमृत भनी वीष छर्ने, हात प्यारो लाग्छ

स्वच्छ, स्वस्थ भावनाको, भर पर्दिन म
मुटु फुट्ने बज्रजस्तो, घात प्यारो लाग्छ

अखण्ड यो समाजको, अन्त्य खोजी रा‘छु
त्यसैले त सबैभन्दा, जात प्यारो लाग्छ

आफू हिड्ने माटोको त्यो, सह मेटिए नि
भाइभन्दा पराइको साथ, प्यारो लाग्छ
छुराभन्दा झन् धारीलो, बात प्यारो लाग्छ

        DEBENDRA SUBEDI 'DEVEN'